Chandni jheel na shabnam na kanwal me ho ga
ab tera aks faqat meri ghazal me ho ga
Aur ik saans ko jeene ki tamanna kar le'n
aik lamha to abhi dast-eajal me ho ga
rakh mazi ki kuredo na palat kar dekho
aaj ka din bhi huwa ghumm to wo kal me ho ga
kyun kisi morr pe ruk ruk k sada de'n usko
wo to masroof masafat k amal me ho ga
usko neendon k nagar me na basa'o Mohsin
warna shamil wohi nindon k khalal me ho ga
